nptdc title

Language »  English | Myanmar

နေပြည်တော်စည်ပင်ဘဏ်လီမိတက်

နေပြည်တော်စည်ပင်ဘဏ်လီမိတက်ကို ၂၀၁၃ခုနှစ်တွင် စတင်တည်ထောင်ခဲ့ပြီး ၂၀၁၃ခုနှစ်၊ မေလ(၁၂)ရက်နေ့တွင် ဥတ္တရသီရိဘဏ်ခွဲကို ပထမဦးဆုံးဘဏ်ခွဲအဖြစ် အောင်မြင်စွာဖွင့်လှစ်ခဲ့ပါသည်။ ၂၀၁၄ခုနှစ် ဖေဖော်ဝါရီလ (၁၇)ရက်နေ့တွင် ဇမ္ဗူသီရိဘဏ်ခွဲကြီးကို ထပ်မံဖွင့်လှစ်ခဲ့ပြီး ယခုအခါ
ဘဏ်ခွဲငယ် (၃)ခုကိုလည်း ဖွင့်လှစ်ခဲ့ပြီးဖြစ်ပါသည်။ မြန်မာနိုင်ငံတော်ဗဟိုဘဏ်မှ ချမှတ်ထားသော စည်းမျဉ်းစည်းကမ်းများကို လိုက်နာ၍ ဘဏ်လုပ်ငန်းဝန်ဆောင်မှုများကို မိဘပြည်သူများထံ လုံခြုံစိတ်ချမှုအပြည့်အဝဖြင့် ဆောင်ရွက်ပေးလျက်ရှိပါသည်။

နေပြည်တော်စည်ပင်ဘဏ်လီမိတက်မှ ဆောင်ရွက်ပေးလျက်ရှိသော ဘဏ်ဝန်ဆောင်မှုလုပ်ငန်းများ

၁။စာရင်းရှင်အပ်ငွေ၊
၂။ငွေစုဘဏ်အပ်ငွေ၊
၃။ အချိန်ပိုင်းအပ်ငွေ(သို့)စာရင်းသေအပ်ငွေ၊
၄။ခေါ်ယူအပ်ငွေ၊
၅။ ချေးငွေများ၊
၆။ ငွေလွှဲခြင်း၊
၇။ငွေပေးအမိန့်ရောင်းချခြင်း၊
၈။ လုံခြုံမှုသေတ္တာငှားရမ်းခြင်း၊
၉။ နိုင်ငံခြားငွေများဝယ်ယူရောင်းချလဲလှယ်ပေးခြင်း၊
၁၀။Account Link
၁၁။Bank Guarantee

စာရင်းရှင်အပ်ငွေ (Current Deposit)

စာရင်းရှင်အပ်ငွေစာရင်းကို လူပုဂ္ဂိုလ်တစ်ဦး(သို့)တစ်ဦးတည်းပိုင်လုပ်ငန်း(သို့)အသင်းအဖွဲ့နှင့်ကုမ္ပဏီများအနေဖြင့် ဖွင့်လှစ်နိုင်ပါသည်။ လူပုဂ္ဂိုလ်တစ်ဦး(သို့)နှစ်ဦးနှင့်အထက် တွဲဖက်၍ဖွင့်လှစ်နိုင်ပါသည်။ အနည်းဆုံး ကျပ်တစ်သောင်းဖြင့် စတင်၍ဖွင့်လှစ်နိုင်ပါသည်။ငွေထုတ်ယူခြင်းကို ငွေပမာဏအကန့်အသတ်မရှိ အကြိမ်ကြိမ်ထုတ်ယူနိုင်ပြီး ငွေသွင်းခြင်းကိုလည်း အကန့်အသတ်မရှိသွင်းနိုင်ပါသည်။ ထိုစာရင်းအပ်ငွေအတွက် အတိုးမပေးပါ။

ငွေစုဘဏ်အပ်ငွေ (Saving Deposit)

ငွေစုဘဏ်အပ်ငွေစာရင်းကို တစ်ဦးတည်းဖြစ်စေ၊ တစ်ဦးထက်ပိုသောတွဲဖက်စာရင်းဖြစ်စေ၊ အဖွဲ့အစည်းအမျိုးမျိုးဖြစ်စေ စာရင်းဖွင့်နိုင်ပါသည်။ အနည်းဆုံးကျပ်တစ်သောင်းဖြင့် စတင်၍ဖွင့်နိုင်ပါသည်။ ငွေစုဘဏ်အပ်ငွေစာရင်းတွင် အရွယ်မရောက်သေးသူများအတွက် သက်ငယ်စာရင်းဖွင့်နိုင်ပါသည်။ အနည်းဆုံးကျပ်တစ်ထောင်ဖြင့် စတင်၍ဖွင့်နိုင်ပါသည်။
ငွေပမာဏနှင့်အကြိမ်အကန့်အသတ်မရှိပေးသွင်းနိုင်ပြီး တစ်ပတ်လျှင်တစ်ကြိမ်သာထုတ်ယူခွင့်ပြုပါသည်။ လက်ရှိအတိုးနှုန်းမှာ တစ်နှစ်လျှင် ၈.၅၀ % ဖြစ်ပါသည်။ (၃)လတစ်ကြိမ် (June,Sept,Dec,March) လများတွင် အတိုးထည့်ပေးပါသည်။လစဉ်လဆန်း(၇)ရက်နေ့မှ လကုန်ရက်အတွင်းရှိ အနည်းဆုံးလက်ကျန်ငွေ (လဆန်း(၇)ရက်လက်ကျန်ထက်မများရန်)ပေါ်တွင် တစ်လလုံးအတွက် အတိုးတွက်ပေးပါသည်။

စာရင်းသေအပ်ငွေ (Fixed Deposit)

စာရင်းသေအပ်ငွေကို ငွေကျပ်တစ်သောင်း(သို့)ကျပ်သောင်းဂဏန်းအလီလီဖြင့် ပမာဏနှင့်အကြိမ်အကန့်အသတ်မရှိ စုဆောင်းအပ်နှံနိုင်ပါသည်။
လူပုဂ္ဂိုလ်တစ်ဦး(သို့)နှစ်ဦးနှင့်အထက် တွဲဖက်၍လည်းကောင်း၊ တစ်ဦးတည်းပိုင်လုပ်ငန်း (သို့) အသင်းအဖွဲ့နှင့်ကုမ္ပဏီများအနေဖြင့် လည်းကောင်း စာရင်းဖွင့်နိုင်ပါသည်။
လက်ရှိအတိုးနှုန်းမှာ သတ်မှတ်ထားသည့်အချိန်ကာလအပိုင်းအခြားအလိုက် အောက်ပါအတိုင်းဖြစ်ပါသည်-

၁လ စာရင်းသေအပ်ငွေ အတိုးနှုန်း (၈.၅၀ % )
၂လ စာရင်းသေအပ်ငွေ အတိုးနှုန်း (၈.၇၅ % )
၃လ စာရင်းသေအပ်ငွေ အတိုးနှုန်း (၉.၀၀ % )
၆လ စာရင်းသေအပ်ငွေ အတိုးနှုန်း (၉.၅၀ % )
၉လ စာရင်းသေအပ်ငွေ အတိုးနှုန်း (၉.၇၅ % )
၁၂လ စာရင်းသေအပ်ငွေ အတိုးနှုန်း (၁၀.၀၀ % )

အပ်နှံသောအချိန်ကာလစေ့ရောက်တိုင်းရက်အလိုက် အတိုးတွက်ပေးပါသည်။ သက်တမ်းစေ့ရောက်ပြီး ကျော်လွန်သောကာလကို အတိုးပေးမည်မဟုတ်ပါ။ သက်တမ်းမစေ့မှီအပ်ငွေပြန်လည်ထုတ်ယူပါက အတိုးခံစားခွင့်မရှိပါ။

ခေါ်ယူအပ်ငွေစာရင်း

  • လူပုဂ္ဂိုလ်တစ်ဦး (သို့) နှစ်ဦးနှင့်အထက်တွဲဖက်၍လည်းကောင်း၊ အဖွဲ့အစည်းအမည်ဖြင့်လည်းကောင်း၊ ကုမ္ပဏီများအနေဖြင့်လည်းကောင်း စာရင်းဖွင့်နိုင်ပါသည်။
  • အနည်းဆုံးငွေကျပ်တစ်သောင်းဖြင့်စတင်စာရင်းဖွင့်လှစ်နိုင်ပြီး သိန်းဂဏန်းအလီလီဖြင့် အကြိမ်အကန့်အသတ်မရှိ စုဆောင်းအပ်နှံနိုင်ပါသည်။
  • ကျပ်သိန်းတစ်ရာနှင့်အထက် အပ်နှံငွေအတွက် အတိုးနှုန်းမှာ (၈)ရာခိုင်နှုန်းဖြစ်ပြီး ကျပ်သိန်းတစ်ရာအောက် အပ်နှံငွေအတွက် အတိုးနှုန်းမှာ (၄)ရာခိုင်နှုန်းဖြစ်ပါသည်။
  • နေ့စဉ်စာရင်းပိတ်လက်ကျန်ငွေအပေါ်ရက်အလိုက်အတိုးတွက်ချက်ပေးပြီး (၃)လတစ်ကြိမ် (June, Sept, Dec, March)လများတွင် အတိုးထည့်သွင်းပေးပါသည်။


ချေးငွေများ

  • ချေးငွေများကိုစက်မှုလုပ်ငန်း၊ ကုန်ထုတ်လုပ်မှုလုပ်ငန်း၊ သယ်ယူပို့ဆောင်ရေးလုပ်ငန်း၊ ဝန်ဆောင်မှုလုပ်ငန်းနှင့်ဆောက်လုပ်ရေးလုပ်ငန်းများတွင် ငွေကြေးအရင်းအနှီးထည့်ဝင်နိုင်ရေးနှင့် လုပ်ငန်းတိုးချဲ့ဆောင်ရွက် နိုင်ရေးအတွက် ထုတ်ချေးလျက်ရှိပါသည်။
  • ပုဂ္ဂလိကလုပ်ငန်းရှင်များ၊နေပြည်တော်ကောင်စီနယ်မြေအတွင်းရှိ မြေနှင့်အဆောက်အဦပိုင်ဆိုင်သည့် လူပုဂ္ဂိုလ်များနှင့်စျေးဆိုင်ခန်းရှင်များသို့ စာရင်းပိုထုတ်ချေးငွေများအဖြစ်ထုတ်ချေးပါသည်။
  • မရွေ့မပြောင်းနိုင်သော အိမ်၊ ခြံ၊ မြေနှင့် အဆောက်အဦများကို အာမခံအဖြစ်ထားရှိနိုင်ပါသည်။
  • ထုတ်ယူသည့်ငွေပမာဏပေါ်တွင် ထုတ်ယူသည့်ကာလအတွက် ရက်အလိုက်အတိုးတွက်ချက်ပါသည်။ လက်ရှိအတိုးနှုန်းမှာ ၁၃% ဖြစ်ပြီး ဝန်ဆောင်ခ ၁% အားကောက်ခံခြင်းမရှိပါ။
  • ချေးငွေသက်တမ်းမှာ (၁)နှစ်ဖြစ်၍ ဆက်လက်ချေးယူလိုပါက သက်တမ်းမကုန်မီ ကြိုတင်လျှောက်ထားရပါမည်။


ငွေလွှဲခြင်း

ငွေလွှဲပေးပို့ခြင်းများကို နေပြည်တော်စည်ပင်ဘဏ်လီမိတက်နှင့် အကျိုးတူချိတ်ဆက်ထားသော အောက်ဖော်ပြပါဘဏ်များ၏ ဘဏ်ခွဲများရှိသောမြို့များသို့ လွယ်ကူလျင်မြန်စွာဖြင့် ငွေလွှဲပေးပို့နိုင်ပါသည်-

  • ရိုးမဘဏ်
  • ကျပ်-၁၀၀လျှင် ၅ပြားနှုန်း

  • ဧရာဝတီဘဏ်
  • ကျပ်-၁၀၀လျှင် ၅ပြားနှုန်း

  • ကမ္ဘာ့ရတနာဘဏ်
  • ကျပ်-၁၀၀လျှင် ၅ပြားနှုန်း

  • သမဝါယမဘဏ်
  • ကျပ်-၁၀၀လျှင် ၅ပြားနှုန်း

  • မြန်မာ့ရှေ့ဆောင်ဘဏ်
  • ကျပ်-၁၀၀လျှင် ၅ပြားနှုန်း

  • ဆောက်လုပ်ရေးနှင့်အိမ်ရာဖွံ့ဖြိုးရေးဘဏ်
  • ကျပ်-၁၀၀လျှင် ၅ပြားနှုန်း

  • အာရှရန်ကုန်ဘဏ်
  • ကျပ်-၁၀၀လျှင် ၅ပြားနှုန်း

  • ယူနိုက်တက်အမရဘဏ်
  • ကျပ်-၁၀၀လျှင် ၁၀ပြားနှုန်း

  • ကမ​္ဘောဇဘဏ်
  • ကျပ်-၁၀၀လျှင် ၁၅ပြားနှုန်း

    ငွေလွှဲခမှာ အနည်းဆုံး ကျပ်- ၂၀၀/-ဖြစ်ပြီး Fax ခမှာ ကျပ်- ၅၀၀ ဖြစ်ပါသည်။

    ငွေပေးအမိန့်ရောင်းချခြင်း(Payment Order)

    အစိုးရဌာနဆိုင်ရာများသို့ ပေးသွင်းရမည့်ကိစ္စများအတွက် ငွေပေးအမိန့်(Payment Order)ကို (Bank Guarantee Cheque) အဖြစ်ရောင်းချခြင်းဝန်ဆောင်မှုလုပ်ငန်းကို လျင်မြန်စွာဆောင်ရွက်ပေးပါသည်။
    ဝန်ဆောင်ခမှာ ငွေကျပ် - ၁၀၀ လျှင် ၁၀ပြားနှုန်းဖြစ်ပြီး အနည်းဆုံးကျပ် - ၁၀၀နှင့်အများဆုံးကျပ် - ၃၀၀၀၀/- ကောက်ခံပါသည်။

    လုံခြုံမှုသေတ္တာငှားရမ်းခြင်း (Safe Deposit Locker)

    Customer များ၏ တန်ဖိုးကြီးလှသောပစ္စည်းများ၊ စာရွက်စာတမ်းများကို ဘဏ်၏ငွေတိုက်ခန်းအတွင်းရှိသေတ္တာအတွင်း သိမ်းဆည်းနိုင်ပါသည်။သေတ္တာငှားရမ်းခအတွက် ဘဏ်မှဝန်ဆောင်ခအဖြစ် တစ်နှစ်လျှင် ကျပ်-၁၀၀၀၀/- ကောက်ခံပါသည်။

နိုင်ငံခြားငွေများဝယ်ယူရောင်းချလဲလှယ်ပေးခြင်း ဝန်ဆောင်မှု (Money Changer)

Customer များ၏ဆန္ဒအတိုင်း၎င်းတို့ထံမှ နိုင်ငံခြားငွေများကို ဝယ်ယူခြင်း၊ ပြန်လည်ရောင်းချခြင်းတို့ကို မြန်မာနိုင်ငံတော်ဗဟိုဘဏ်က နေ့စဉ်ထုတ်ပြန်လျက်ရှိသောငွေလဲနှုန်း(CBM's Reference Rate)ကို အခြေခံ၍သတ်မှတ်ဘောင်အတွင်းမှ ဆောင်ရွက်ပေးလျက်ရှိပါသည်။
ဝယ်ယူရောင်းချပေးသည့် နိုင်ငံခြားငွေအမျိုးအစားများမှာ-

(က) အမေရိကန်ဒေါ်လာ (USD)
(ခ ) ယူရို (EURO)
(ဂ ) စင်္ကာပူဒေါ်လာ(SGD)
(ဃ ) မလေးရှားရင်းဂစ်(MYR)
(င ) ထိုင်းဘတ်(THB) တို့ဖြစ်ပါသည်။

နေပြည်တော်စည်ပင်ဘဏ်၏ မည်သည့်နိုင်ငံခြားငွေလဲလှယ်ပေးရေး ကောင်တာ(Money Changer) တွင်မဆိုအမေရိကန်ဒေါ်လာ ၁၀၀၀၀ နှင့်ညီမျှသော အမေရိကန်ဒေါ်လာ၊ စင်္ကာပူဒေါ်လာ၊ ယူရိုငွေကြေးများကို နိုင်ငံသားမှတ်ပုံတင်(National Registeration Card) သို့မဟုတ်နိုင်ငံကူးလက်မှတ်(Passport) ဖြင့် လွတ်လပ်စွာ လဲလှယ်နိုင်ပါသည်။

Account များ Link ပေးထားခြင်း

Current A/C ကိုအောက်ဖော်ပြပါ နည်းလမ်း(၃)သွယ်ဖြင့် Saving A/C /Call A/C များနှင့် ချိတ်ဆက်(Link) ပေးထားရန် Instruction ပေးနိုင်ပါသည်။
  • Current A/C >>> Saving A/C
  • Current A/C >>> Call A/C
  • Current A/C >>> Call A/C >>> Saving A/C

Bank Guarantee

  • လုပ်ငန်းရှင်များ(သို့)အဖွဲ့အစည်းများအချင်းချင်း စီးပွားရေးဆိုင်ရာသဘောတူညီမှုလုပ်ငန်းများတွင် လုံခြုံစိတ်ချ၍ ယုံကြည်မှုရှိစေရန် တောင်းခံလေ့ရှိသော Bank Guarantee ကို ထုတ်ပေးခြင်းအား ဆောင်ရွက်ပေးပါသည်။
  • Bank Guarantee အမျိုးအစားများမှာ Performance Guarantee, Tender Guarantee or Bid Bond Guarantee တို့ ဖြစ်ပါသည်။
  • ဘဏ်အာမခံလျှောက်ထားသူသည် ငွေသားတင်သွင်းခြင်း၊ စာရင်းရှင်စာရင်း၊ ငွေစုဘဏ်စာရင်း၊ စာရင်းသေအပ်ငွေစာရင်း ဖွင့်လှစ်ခြင်း၊ နေပြည်တော်စည်ပင်ဘဏ်ရှိ အပ်ငွေစာရင်းလက်ကျန်တင်ပြခြင်း၊ မရွှေ့မပြောင်းနိုင်သောပစ္စည်းတင်သွင်းခြင်း စသည့်နည်းများဖြင့် ဆောင်ရွက်နိုင်ပါသည်။
  • ယင်းအပ်င​ွေစာရင်းအပေါ် သက်ဆိုင်ရာအတိုးနှုန်းအလိုက် အတိုးတွက်ချက်ပေးပါသည်။
  • ဘဏ်အာမခံသက်တမ်းအလိုက် ဝန်ဆောင်ခနှုန်းထားများမှာ အောက်ပါအတိုင်းဖြစ်ပါသည်-
  • ၃ လ အထိ ၀.၅%
    ၆ လ အထိ ၁.၀%
    ၉ လ အထိ ၁.၅%
    ၁၂ လ အထိ ၂.၀%


    နေပြည်တော်စည်ပင်ဘဏ်လီမိတက်၏ ဘဏ်ခွဲများ
    ဇမ္ဗူသီရိဘဏ် အမှတ်(၀၉)၊ သီရိကျော်စွာလမ်း၊ သီရိရတနာအဆင့်မြင့်စျေး၊ ဖမ္ဗူသီရိမြို့နယ်၊ နေပြည်တော်။
    ph; 067-422576 , 422581
    Fax; 067-422583 , 422575
    ဥတ္တရသီရိဘဏ် အမှတ်(၂၅/၂၆)၊ ရာဇင်္ဂဟလမ်း၊ အင်ကြင်းပန်းဝိုင်းအနီး၊ ဥတ္တရသီရိမြို့နယ်၊ နေပြည်တော်။
    ph; 067-417784 , 417786
    Fax; 067-417783
    သပြေကုန်းဘဏ်ခွဲငယ် သပြေကုန်းစျေး၊ နိုင်ငံခြားငွေလဲလှယ်ရေးကောင်တာ၊ ယခင်ကားဂိတ်ဟောင်း၊ လက်ဖက်ရည်ဆိုင်အနီး၊ နေပြည်တော်။
    ph; 067-8108085 , 8108086
    မြို့မစျေးဘဏ်ခွဲငယ် မြို့မစျေး၊ ပွဲရုံတန်းအမှတ်(ပ/၂၁၈)ဇမ္ဗူသီရိမြို့နယ်၊ နေပြည်တော်။
    ph; 067-422663,422664
    Fax; 067-422655
    အဟာရသုခစျေးဘဏ်ခွဲငယ် အဟာရသုခစျေးလမ်း၊ ပျဉ်းမနားမြို့နယ်၊နေပြည်တော်
    ph; 067-38362,38365
    Fax; 067-38367