Nay Pyi Taw DC

ကြော်ငြာသင်ပုန်း

အိတ်ဖွင့်တင်ဒါခေါ်ယူခြင်းနှင့်အသိပေးကြေညာခြင်း

နေပြည်တော်ဖွံ့ဖြိုးရေးဘဏ်

ဇမ္ဗူသီရိအထူးကုဆေးရုံကြီး

Registering Property Indicator

မြို့ပြစီမံကိန်းနှင့်မြေစီမံခန့်ခွဲမှုဌာန

မြို့ပြစီမံကိန်းနှင့်မြေစီမံခန့်ခွဲမှုဌာန၏လုပ်ငန်းတာဝန်များမှာအောက်ပါအတိုင်းဖြစ်ပါသည်-

မြို့ပြစီမံကိန်းရေးဆွဲခြင်း

၁။

မြို့ပြဖွံ့ဖြိုးမှုစီမံကိန်း အကောင်အထည် ဖော်ရာတွင် မလွတ်ကင်းသော ပုဂ္ဂလိကပိုင်မြေနှင့် အဆောက်အအုံများကို အများပြည်သူ အကျိုးအတွက် တည်ဆဲဥပဒေများနှင့်အညီ လျော်ကြေးပေး၍ မြေသိမ်းယူခြင်း၊

၂။

စီမံကိန်းအရ သိမ်းဆည်းမည့် မြေနေရာများအတွက် လယ်ယာမြေ ထောက်ပံ့ခြင်းနှင့် သီးနှံလျော်ကြေးငွေများ တွက်ချက်ခြင်းနှင့် သက်ဆိုင်ရာသို့ တင်ပြတောင်းခံ၍ မြေပိုင်ရှင်များသို့ စိစစ်ထုတ်ပေးခြင်း၊

၃။

စီမံကိန်းအရ သိမ်းဆည်းမည့်မြေနေရာတွင် တည်ရှိနေသော အဆောက်အအုံများအတွက် လျော်ကြေးငွေနှင့် အိမ်ရာရွှေ့ပြောင်းစရိတ်များအား အင်ဂျင်နီယာဌာန (အဆောက်အအုံ)နှင့် ညှိနှိုင်းတွက်ချက်၍ ပိုင်ရှင်များသို့ ပြန်လည်ပေးလျော်ခြင်း၊

၄။

မြို့ပြစီမံကိန်းကို အကောင်အထည် ဖော်ရာတွင် မြေသိမ်းယူရေးနှင့် သိမ်းယူပြီးသောမြေကို လွှဲပြောင်းရယူရေးတို့အတွက် မြေအမျိုးအစားအလိုက် သက်ဆိုင်ရာဝန်ကြီး ဌာနများနှင့် ညှိနှိုင်းဆောင်ရွက်ခြင်း၊

၅။

မြို့ပြဖွံ့ဖြိုးမှု စီမံကိန်း အကောင်အထည် ဖော်ရာတွင် အစိုးရဌာန၊ အဖွဲ့အစည်းပိုင်မြေကို လွှဲပြောင်း ရယူရန် လိုအပ်ပါက သက်ဆိုင်ရာ အစိုးရဌာန၊ အဖွဲ့အစည်းနှင့် ညှိနှိုင်းပြီး လွှဲပြောင်းရယူခြင်း၊

၆။

သိမ်းယူထားသောမြေများနှင့် လွှဲပြောင်းရယူထားသော မြေများကို မြို့မြေနည်းဥပဒေများနှင့် အညီ စီမံခန့်ခွဲခြင်း၊

၇။

ကျူးကျော်များအား ရှင်းလင်းခြင်း၊ စနစ်တကျပြန်လည် နေရာချထားခြင်း၊ ပြောင်းရွှေ့နေရာ ချထားခြင်း၊

၈။

မြို့တော်၏ မြို့ပြဖွံဖြိုးမှုစီမံကိန်းများ၊ မြေစီမံခန့်ခွဲခြင်း ဆိုင်ရာလုပ်ငန်းများနှင့် စပ်လျဉ်း၍-

(က)	ကွန်ပျူတာမှတ်တမ်းများထားရှိခြင်း၊
(ခ )	လိုအပ်သည့်မှတ်တမ်းများ၊ စာအုပ်စာတမ်းများ၊ စာရင်းဇယားများ၊ ပုံစံများကို သတ်မှတ်ထားရှိခြင်း၊
(ဂ )	ကွန်ပျူတာမှတ်တမ်းများ၊ အခြားလိုအပ်သည့်မှတ်တမ်းများ၊ စာအုပ်စာတမ်းများနှင့် စာရင်း ဇယားများကို စနစ်တကျ ထိန်းသိမ်းထားရှိခြင်း၊

မြေစီမံခန့်ခွဲခြင်း

၁။	မြို့ပြစီမံကိန်းနှင့်မြေစီမံခန့်ခွဲမှုဆိုင်ရာ လုပ်ငန်းများနှင့်ပတ်သက်၍ မြို့တော်နေပြည်သူများ သိသင့်သိထိုက်သော အချက်အလက်များကို သိရှိစေရန် သတင်းဖြန့်ချီရေး လုပ်ငန်းများ ဆောင်ရွက်ခြင်း၊
၂။	နေပြည်တော်စည်ပင်သာယာရေးနယ်နိမိတ်အတွင်းရှိ မြေများကို မြေများကို မြေအမျိုးအစားအလိုက် မြို့မြေစာရင်းတွင် မှတ်သားခြင်းဖြင့်လည်းကောင်း၊ လက်ရှိအခြေ အနေအထိ မှန်ကန်မှုရှိစေရန် စနစ်တကျ မှတ်တမ်းထိန်းသိမ်း ထားရှိခြင်း၊
၃။	မြေစီမံခန့်ခွဲမှုလုပ်ငန်းများဖြစ်သော မြေငှားဂရမ်ထုတ်ပေးခြင်း၊ မြေအမည်ပြောင်းခြင်း၊ ဂရမ်သက်တမ်းတိုးခြင်း၊ မြေပုံမြေရာဇ၀င် ထုတ်ပေးခြင်း၊ စသည့်ကိစ္စရပ်များကို ဆောင်ရွက်ရာတွင် ကော်မတီက ထုတ်ပြန်ထားသည့် လုပ်ထုံးလုပ်နည်း နှင့်အညီ သတ်မှတ်အချိန် ကာလအတွင်း ပြီးမြောက်အောင် စစ်ဆေးအကောင်အထည်ဖော် ဆောင်ရွက်ခြင်း၊
၄။	မြေစီမံခန့်ခွဲမှုဆိုင်ရာ ဝါဒလုပ်ထုံးလုပ်နည်းများနှင့် ပတ်သက်၍ စီမံခန့်ခွဲ ကြီးကြပ်ဆောင်ရွက်ခြင်းနှင့် ပြုပြင်သင့်သည့် မူဝါဒနှင့် လုပ်ထုံးလုပ်နည်းများကို ကော်မတီသို့ ပြင်ဆင်ရေးဆွဲ တင်ပြခြင်း၊
၅။	မြို့တော်နယ်နိမိတ်အတွင်းရှိ နိုင်ငံတော်ပိုင်မြေ၊ အစိုးရက စီမံခန့်ခွဲခွင့်ရှိသောမြေ၊ အစိုးရဌာနအဖွဲ့ အစည်းပိုင်မြေ၊ အခွန်လွတ်သာသနာ့မြေနှင့် အခွန်လွတ် ဗုဒ္ဓသိမ်မြေ၊ လယ်ယာမြေနှင့် မြေလွတ်မြေရိုင်းများမှအပ ကော်မတီပိုင်မြေများ၊ ကော်မတီမှ စီမံခန့်ခွဲပိုင်ခွင့် ရှိသောမြေများ၊ ကော်မတီက တည်ဆဲဥပဒေနှင့်အညီ လွှဲပြောင်း ရယူထားသော မြေများ၊ ပုဂ္ဂလိကပိုင် မြေများနှင့် မြေငှားစာချုပ်ဖြင့် ဖြစ်စေ၊ လိုင်စင်ဖြင့်ဖြစ်စေ၊ ပါမစ်ဖြင့်ဖြစ်စေ ပုဂ္ဂလိကအား နေထိုင်အသုံးပြုခွင့် ပေးထားသော မြေများကို စီမံခန့်ခွဲခြင်း၊
၆။	လူနေထိုင်ရန်အတွက် အဆောက်အအုံများ ဆောက်လုပ်ရန်၊ စက်မှုလုပ်ငန်းများ လုပ်ကိုင်ရန်၊ စိုက်ပျိုးမွေးမြူရေး လုပ်ငန်းများ လုပ်ကိုင်ရန် သို့မဟုတ် အခြားလုပ်ငန်းများ ဆောင်ရွက်ရန် မြေငှားစာချုပ်များ၊ လိုင်စင်များနှင့် ပါမစ်များ ထုတ်ပေးခြင်း၊
၇။	မြေငှားစာချုပ်များ၊ လိုင်စင်များနှင့်ပါမစ်များ၏ သက်တမ်းကို သတ်မှတ်ခြင်း၊ ပြင်ဆင်ခြင်းနှင့် သက်တမ်းတိုးမြှင့် ပေးနိုင်ခြင်း၊
၈။	မြေငှားစာချုပ်များ၊ လိုင်စင်များနှင့် ပါမစ်များ ထုတ်ပေးရန်ကိစ္စနှင့် စပ်လျဉ်း၍ လိုအပ်ပါက သက်ဆိုင်ရာ အစိုးရဌာန အဖွဲ့အစည်းများနှင့် ညှိနှိုင်း ဆောင်ရွက်ခြင်း၊
၉။	မြေငှားစာချုပ်များ၊ ပါမစ်များကို ထုတ်ပေးရာတွင် သတ်မှတ်သည့် ကာလအတွင်း မြေငှားစာချုပ်၊ လိုင်စင် သို့မဟုတ်ပါမစ်ရရှိသည့် ပုဂ္ဂိုလ်ကငွေပေးသွင်းရန် ပျက်ကွက်ပါက ကော်မတီသည် မြေငှားစာချုပ်၊ လိုင်စင် သို့မဟုတ် ပါမစ် ချထားခြင်းကို ဖျက်သိမ်းခြင်း၊
၁၀။	မြို့တော်နယ်နိမိတ်အတွင်း လွှဲပြောင်းသည့် မရွှေ့မပြောင်း နိုင်သော ပစ္စည်းတန်ဖိုးပေါ်တွင် မြန်မာနိုင်ငံ တံဆိပ်ခေါင်းခွန် အက်ဥပဒေအရ ရရှိသည့်ငွေ၏၂ရာခိုင်နှုန်းကို ကော်မတီသည် ဘဏ္ဍာရေး ဝန်ကြီးဌာထံမှ တောင်းခံရယူခြင်း၊
၁၁။	နိုင်ငံတကာသံရုံးများ ၊နိုင်ငံခြား ကုမ္ပဏီများနှင့် မြေငှားစာချုပ် ချုပ်ဆိုနိုင်ရေး လုပ်ထုံးလုပ်နည်း များနှင့်အညီ တင်ပြခွင့်ပြုချက် ရယူ၍ မြေငှားစာချုပ် ချုပ်ဆိုငှားရမ်းခြင်း၊

မြို့ပြစီမံကိန်းနှင့်မြေစီမံခန့်ခွဲမှုဌာနမှ အောက်ပါတို့ကို ဆောင်ရွက်ပေးလျက်ရှိပါသည်-

မြေငှားစာချုပ်(ဂရန်)အသစ်ထုတ်ပေးခြင်း
မြေငှားစာချုပ်(ဂရန်)မိတ္တူမှန်ထုတ်ပေးခြင်း
မြေငှားစာချုပ်(ဂရန်)သက်တမ်းတိုးပေးခြင်း
မြေငှားစာချုပ်(ဂရန်)ခွဲစိတ်ပေးခြင်း
မြေအမည်ပေါက်ပြောင်းလဲပေးခြင်း

မြေငှားစာချုပ်(ဂရန်)လျှောက်ထားနိုင်သော မြေများမှာအောက်ပါအတိုင်းဖြစ်ပါသည်-

လိုင်စင်မြေ
ပါမစ်မြေ
စကွာတာမြေ

မြေငှားစာချုပ်လျှောက်ထားရာတွင် လိုအပ်သည့် ပုံစံနှင့်အထောက်အထားများ

၁။

မြေငှားစာချုပ်လျှောက်လွှာပုံစံ(ဌာနတွင် အခမဲ့တောင်းယူနိုင်ပါသည်)

၂။

မြေပုံ/မြေရာဇဝင် လျှောက်လွှာပုံစံ(ဌာနတွင် အခမဲ့တောင်းယူနိုင်ပါသည်)

၃။

နိုင်ငံသားစိစစ်ရေးကဒ် မိတ္တူ/မူရင်း(မူရင်းဖြင့်တိုက်ဆိုင်စိစစ်ရန်)

၄။

အိမ်ထောင်စုလူဦးရေစာရင်းမိတ္တူ/မူရင်း(မူရင်းဖြင့်တိုက်ဆိုင်စိစစ်ရန်)

၅။

လျှောက်ထားမြေကွက်အား နေထိုင်ပိုင်ဆိုင်ကြောင်း ရပ်ကွက်အုပ်ချုပ်ရေးမှူးထောက်ခံချက် (နှစ်ကာလကြာမှ မြေငှားစာချုပ်လျှောက်ထားလျှင် လက်ရှိနေထိုင်မှုအား အတည်ပြုနိုင်ရန်)

၆။

အောက်ပါ မြေပိုင်ဆိုင်မှုအထောက်အထားများ-

(က)	ပါမစ်မြေ
(ခ)	လိုင်စင်မြေ
(ဂ)	စကွာတာ
(ဃ)	တရားရုံးအမိန့်ဒီဂရီ
(င)	မြေပိုင်ဆိုင်မှုစာချုပ်စာတမ်းအထောက်အထားများ
(စ)	လျှောက်ထားမြေကို ဥပဒေနှင့်အညီ ရရှိထားကြောင်း သက်ဆိုင်ရာဌာနများမှ ထုတ်ပေးထားသည့် မြေပိုင်ဆိုင်မှု အထောက်အထားများ (အထက်ပါ စာရွက်စာတမ်းများကို ပြည့်စုံစွာ တင်ပြရပါမည်)

မြေငှားဂရန်စာချုပ်လျှောက်ထားရာတွင် အဆင့်ဆင့်စိစစ်ဆောင်ရွက်ရသည့်လုပ်ငန်းစဉ်များ

၁။

မြေငှားစာချုပ်လျှောက်ထားသည့် လျှောက်လွှာနှင့်ပူးတွဲတင်ပြသည့် မြေပိုင်ဆိုင်မှု အထောက်အထားနှင့် အခြားစာရွက် စာတမ်းများအား ပြည့်စုံမှု ရှိ/မရှိ စိစစ်၍ မိတ္တူကိုမူရင်းနှင့် တိုက်ဆိုင် စစ်ဆေးခြင်း၊ (ဌာနနှင့် လျှောက်ထားသူမှ ဆောင်ရွက်ရန် ဖြစ်ပါသည်)

၂။

မြေရာဇဝင် မှတ်ချက်များအား အောက်ပါအတိုင်း စိစစ်ပါသည်-(ဌာနမှ ဆောင်ရွက်ရန် ဖြစ်ပါသည်)

(က)	မြေငှားစာချုပ် လျှောက်ထား မြေကွက်သည် စီမံခန့်ခွဲပိုင်ခွင့်ရှိသောမြေ၊ သိမ်းဆည်းထားရှိသော မြေအတွင်း ပါဝင်ခြင်း ရှိ/မရှိ ဌာနရှိမြေစာရင်း မှတ်ပုံတင်စာအုပ်နှင့် တိုက်ဆိုင် စစ်ဆေးခြင်း၊
(ခ)	မြေငှားစာချုပ်လျှောက်ထားမြေကွက်သည် အစိုးရဌာနဆိုင်ရာများ၏ တားမြစ်ချက် ရှိ/မရှိ ဌာနရှိ မြေစာရင်း မှတ်ပုံတင်စာအုပ်နှင့် တိုက်ဆိုင် စစ်ဆေးခြင်း၊
(ဂ)	မြေငှားစာချုပ်လျှောက်ထားမြေကွက်သည် တရားရုံး တားဝရမ်း ရှိ/မရှိ၊ဌာနရှိ မြေစာရင်းမှတ်ပုံတင် စာအုပ်နှင့် တိုက်ဆိုင်စစ်ဆေးခြင်း၊
(ဃ)	မြေငှားစာချုပ်လျှောက်ထားမြေကွက်သည် ဘဏ်တစ်ခုခုမှ ကန့်ကွက်မှု ရှိ/မရှိ၊ဌာနရှိ မြေစာရင်း မှတ်ပုံတင် စာအုပ်နှင့် တိုက်ဆိုင်စစ်ဆေးခြင်း၊
(င)	မြေငှားစာချုပ်လျှောက်ထားမြေကွက်နှင့်ပတ်သက်၍ အခြားကန့်ကွက်ချက်များ ရှိ/မရှိ ဌာနရှိ မြေစာရင်းမှတ်ပုံတင် စာအုပ်နှင့် တိုက်ဆိုင်စစ်ဆေးခြင်း၊
(စ)	မြေငှားစာချုပ်လျှောက်ထားမြေကွက်သည် ဂရန်စည်းကမ်းပျက်ချက် ရှိ/မရှိ ဌာနရှိမြေစာရင်း မှတ်ပုံတ စာအုပ်နှင့် တိုက်ဆိုင် စစ်ဆေးခြင်း၊
(ဆ)	မြေငှားစာချုပ်လျှောက်ထားမြေကွက်နှင့်ပတ်သက်၍ မြေစာရင်းမှတ်ပုံတင်စာအုပ်တွင် ရေးသွင်း ထားသည့် အချက်အလက်များသည် တင်ပြထားသည့် အထောက် အထားများနှင့် သက်ဆိုင်မှု ရှိ/မရှိ၊
(ဇ)	၁၉၈၇ခုနှစ် မရွှေ့ပြောင်းနိုင်သော ပစ္စည်းများလွှဲပြောင်းခြင်းကို ကန့်သတ်သည့် ဥပဒေနှင့် ငြိစွန်းမှု ရှိ/မရှိ စစ်ဆေးခြင်း။

၃။

လျှောက်လွှာနှင့်ပူးတွဲတင်ပြလျှောက်ထားသည့် စာရွက်စာတမ်းများအား စစ်ဆေးဆောင်ရွက်ပြီးက အမှုတွဲဖွင့်လှစ်၍ သတင်းစာကြော်ငြာ၊မြေပေါ်ကန့်ကွက်ကြော်ငြာ(၁၅)ရက် ကန့်ကွက်လွှာခေါ်ယူခြင်း၊ (ဌာနနှင့်လျှောက်ထားသူမှဆောင်ရွက်ရန်ဖြစ်ပါသည်။မြေငှားစာချုပ်လျှောက်ထားမြေကွက်တွင် ကြော်ငြာရန် ကာယကံရှင်(၁)စောင်၊ရပ်ကွက်/မြို့အုပ်ချုပ်ရေးရုံးတို့အား (၁)စောင်စီနှင့် အများပြည်သူမြင်သာသည့် ဈေးတွင် ကြော်ငြာရန်(၁)စောင်ပေးပို့ပြီး မြို့နယ်/ရပ်ကွက်အုပ်ချုပ်ရေးရုံး/ဈေးတာဝန်ခံရုံးတို့မှ လက်ခံ ရရှိကြောင်းအထောက်အထားကို လျှောက်ထားသူက ပြန်လည်ပေးပို့ရန် ဖြစ်ပါသည်။)

၄။

သတင်းစာ ကန့်ကွက်ကြော်ငြာ၊ မြေပေါ်ကန့်ကွက်ကြော်ငြာသတ်မှတ်ကာလပြည့်ပြီး တစ်စုံတစ်ရာ ကန့်ကွက်မှုမရှိက ဌာနမှူး၏ခွင့်ပြုချက်ရယူ၍ ဂရန်လျှောက်ထားမြေနေရာအား ကွင်းဆင်းစိစစ်တိုင်းတာ ခြင်း၊အနားလေးရပ်ပိုင်ရှင်များအား စိစစ်ခြင်း၊မြေ၏ဖွံ့ဖြိုးမှုအတွက် အသုံးပြုထားရှိနိုင်မှုအား စိစစ်ခြင်း၊ (ဌာနမှ ဆောင်ရွက်ရန်ဖြစ်ပါသည်။နေ့စဉ်ထုတ်သတင်းစာတွင် ကန့်ကွက်ကြော်ငြာပါသည့် နေ့မှစ၍ (၁၅)ရက်ရေတွက်ပါသည်။)

၅။

ဂရန်လျှောက်ထားမြေနေရာအား မြို့နယ်တာဝန်ခံမှ မြေပြင်အခြေအနေအသေးစိတ်တိုင်းတာစစ်ဆေး ပြီး မြေပြင်စစ်ဆေးတွေ့ရှိချက်အား အစီရင်ခံစာပုံစံ၊မြေပုံနှင့်အတူ ဌာနမှူးထံ အသေးစိတ်အစီရင်ခံတင်ပြ ခြင်း၊မြေပြင်ကွင်းဆင်းစစ်ဆေးသည့်အချိန်တွင် လျှောက်ထားသူ(သို့မဟုတ်)ကိုယ်စားလှယ်မှ လာရောက်၍ စစ်ဆေးတွေ့ရှိချက်အစီရင်ခံစာတွင် သဘောတူလက်မှတ်ရေးထိုးစေခြင်း၊(ဌာနနှင့်လျှောက်ထားသူမှဆောင် ရွက်ရန်ဖြစ်ပါသည်)

၆။

အထက်ပါအချက်အလက်များ ပြည့်စု့မှန်ကန်ပြီး မြေငှားစာချုပ်ချထားပေးရန် သင့်လျော်သည့် အမှုတွဲများအား စီမံခန့်ခွဲမှုကော်မတီအစည်းအဝေးသို့ တင်ပြခွင့်ပြုချက်ရယူခြင်း၊(ဌာနမှဆောင်ရွက်ရန်ဖြစ် ပါသည်)

၇။

စီမံခန့်ခွဲမှုကော်မတီအစည်းအဝေးမှ မြေငှားစာချုပ်ချထားပေးရန်ခွင့်ပြုပြီးသောမြေကွက်များအတွက် မြေငှားဂရန် စာချုပ်တန်ဖိုးသတ်မှတ်ကျသင့်ငွေများအား ပေးသွင်းစေခြင်း၊(ဌာနနှင့်လျှောက်ထားသူမှဆောင် ရွက်ရန်ဖြစ်ပါသည်)

၈။

သက်ဆိုင်ရာမြို့နယ်တာဝန်ခံမြေတိုင်းဝန်ထမ်းက မြေငှားစာချုပ်ပေါ်တွင် အငှားချထားမည့်မြေ၏ အတိုင်းအတာပါဝင်သော မြေပုံကို ရေးဆွဲခြင်းနှင့်မြေငှားစာချုပ်ရေးသားခြင်း၊(ဌာနမှဆောင်ရွက်ရန်ဖြစ်ပါ သည်)

၉။

မြေအငှားချထားသူနှင့် မြေငှားစာချုပ်ရရှိသူတို့ နှစ်ဦးနှစ်ဖက်အတွက် သက်သေတစ်ဦးစီသည် ဌာနမှူး၏ ရှေ့မှောက်၌ မြေငှားစာချုပ်ပေါ်တွင် လက်မှတ်ရေးထိုးခြင်း၊(ဌာနနှင့်လျှောက်ထားသူမှဆောင်ရွက် ရန်ဖြစ်ပါသည်)

၁၀။

ရေးသားပြီးသည့်မြေငှားစာချုပ်အား အဆင့်ဆင့်တင်ပြ၍ ဌာနမှူးအတည်ပြုလက်မှတ်ရေးထိုးပြီး အငှားစာချုပ်ရရှိသူ ကာယကံရှင်ကိုယ်တိုင် ဌာနမှူး/ဒု-ဌာနမှူး၏ ရှေ့မှောက်တွင် လက်မှတ်ရေးထိုးစေခြင်း၊ (ဌာနနှင့်လျှောက်ထားသူမှ ဆောင်ရွက်ရန်ဖြစ်ပါသည်)

၁၁။

မြေငှားစာချုပ်တွင် ဌာနမှူးအတည်ပြုလက်မှတ်ရေးထိုးခြင်း၊မြေငှားစာချုပ်ရရှိသူက လက်မှတ် ရေးထိုးခြင်း၊ပြီးစီးပါက ကာယကံရှင်အား မူရင်းထုတ်ပေးပြီး ရုံးလက်ခံအား သက်ဆိုင်ရာအမှုတွဲတွင် ထိန်းသိမ်းထားရှိခြင်း၊(ဌာနမှဆောင်ရွက်ရန်ဖြစ်ပါသည်)

၁၂။

မြေငှားစာချုပ်ထုတ်ပေးပြီးအမှုတွဲအား ယင်းသို့ထုတ်ပေးပြီးကြောင်း မြို့မြေစာရင်းတွင် မှတ်သား ခြင်းနှင့် အမှုတွဲပိတ်သိမ်းခြင်း၊(ဌာနမှဆောင်ရွက်ရန်ဖြစ်ပါသည်)

စဉ်

အကြောင်းအရာ

ကြာမြင့်ကာလ

မှတ်ချက်

၁။

မြေငှားစာချုပ်လျှောက်လွှာပုံစံနှင့် ပူးတွဲတင်ပြသည့်စာရွက်စာတမ်းများအားစစ်ဆေးပြီးပြည့်စုံမှုရှိပါကနေ့စဉ်ထုတ်သတင်းစာကြော်ငြာနှင့် မြေပေါ်ကန့်ကွက် ကြော်ငြာ (၁၅)ရက် ကန့်ကွက်ကြော်ငြာ ခေါ်ယူနိုင်ရန်လျှောက်ထားသူသို့ ကန့်ကွက်လွှာပုံစံများ ထုတ်ပေးခြင်းနှင့်အမှုတွဲပေးခြင်းနှင့် အမှုတွဲ ဖွင့်လှစ်ခြင်း၊

(၁)ရက်

သတင်းစာတွင်ကြော်ငြာပါသည့်ရက်မှစတင်၍(၁၅)ရက်ဖြစ်ပါသည်။ မြေပေါ်တွင်ကန့်
ကွက်ကြော်ငြာ(၁)စောင်၊ ရပ်ကွက်/မြို့အုပ်ချုပ်ရေးရုံးသို့ (၁) စောင်စီနှင့် အများပြည်သူ
မြင်သာသည့် စျေးတွင်ကြော်ငြာရန် (၁)စောင် ပေးပို့ ပြီး လက်ခံရရှိကြောင်းအထောက်
အထားများအား လျှောက်ထားသူက ဌာနသို့ပြန်လည်ပေးပို့ရန် ဖြစ်ပါသည်။

၂။

နေ့စဉ်ထုတ်သတင်းစာတွင် ကန့်ကွက် ကြော်ငြာခြင်း၊ မြေပေါ်ကန့်ကွက်ကြော်ငြာ ခြင်းအတွက် ကြာမြင့်ကာလ

(၁၅) ရက်

သတင်းစာတွင် ကန့်ကွက်ကြော်ငြာပါ သည့်ရက်နောက်ကျပါကပိုမိုကြန့်ကြာမှု ရှိနိုင်ပါ
သည်။ မြေပေါ်ကန့်ကွက်ကြော်ငြာမှုမရှိကြောင်း စစ်ဆေးတွေ့ရှိရခြင်းနှင့်ရပ်ကွက်/မြို့/
စျေးအုပ်ချုပ်ရေးရုံးတို့မှ လက်ခံရရှိကြောင်း အထောက်အထား ပြည်လည်ပေးပို့မှုမရှိလျှင်
ကာယကံရှင် ၏ပျက်ကွက်မှုကြောင့်ပိုမိုကြန့်ကြာနိုင်ပါ သည်။

၃။

ကန့်ကွက်ကြော်ငြာ (၁၅)ရက်ပြည့်ပြီး တစ်စုံတစ်ရာကန့်ကွက်မှုမရှိပါက မြေငှား စာချုပ်လျှောက်ထားမြေကွက်သို့ကွင်းဆင်း စစ်ဆေးခြင်းနှင့်စစ်ဆေးတွေ့ရှိချက်အသေး စိတ်အား မြေပုံနှင့် အတူဌာနမှူးထံ အစီ ရင်ခံတင်ပြခြင်း

(၅) ရက်

ကန့်ကွက်လွှာတင်သွင်းလိုသူများအနေဖြင့် ကန့်ကွက်သည့်အကြောင်းကြားလွှာ အား(၁၅)ရက် အတွင်းစာဖြင့်ပေးပို့သော် လည်းအမျိုးမျိုးသော ကြန့်ကြာခြင်းကြောင့် (၁၅)ရက်ကျော်မှ ရောက်ရှိမှုများ ရှိနိုင်သဖြင့်ကွင်းဆင်း စစ်ဆေးခြင်းအား (၅)ရက်အတွင်း စစ်ဆေးရန် သတ်မှတ်ပါသည်။ ကွင်းဆင်းစစ်ဆေးသည့် မြေကွက်သည် သတ်မှတ်ဧရိယာ ကိုက်ညီမှုမရှိဘဲ ကွဲလွဲချက်များ တွေ့ရှိရ ပါကပိုမို ကြန့်ကြာ နိုင်ပါသည်။ မြေပြင်ကွင်းဆင်း စစ်ဆေးသည့် အချိန်တွင် လျှောက်ထားသူ (သို့မဟုတ်) ကိုယ်စားလှယ်မှ လာရောက်နိုင်မှု မရှိခြင်းနှင့် ကန့်ကွက်ကြော်ငြာ ကပ်ထားကြောင်း မတွေ့ရှိရပါက ကာယကံရှင်၏ ပျက်ကွက်မှုကြောင့် ပိုမိုကြန့်ကြာ နိုင်ပါသည်။

၄။

ကွင်းဆင်းစစ်ဆေးပြီး မြေငှားစာချုပ် ချထားရန် သင့်တော်သည့် အမှုတွဲများအား
စီမံခန့်ခွဲမှုကော်မတီအစည်းအဝေးသို့တင်ပြ ခွင့်ပြုချက်ရယူခြင်း၊

(၇) ရက်

စီမံခန်ခွဲမှုကော်မတီအစည်းအဝေးအား (၁)ပတ် လျှင် အနည်းဆုံး(၁)ကြိမ်ပြုလုပ်သောကြောင့် ဖြစ်ပါသည်။

၅။

စီမံခန့်ခွဲမှုကော်မတီ အစည်းအဝေးမှ ခွင့်ပြုပြီးမြေကွက်များအတွက် မြေငှားစာချုပ်ချထားပေးရန် ဆောင်ရွက်သည့် လုပ်ငန်းများ-
(က)	မြေငှားစာချုပ်တန်ဖိုးသတ်မှတ် ကျ သင့်ငွေများ ပေးသွင်းစေခြင်း၊
(ခ)	မြို့နယ်တာ၀န်ခံ မြေတိုင်း၀န်ထမ်း မှ မြေငှားစာချုပ်ပေါ်တွင် အငှားချထား မည့်မြေ၏ အတိုင်းအတာပါ၀င်သော မြေပုံ ရေးဆွဲခြင်း၊ မြေငှားစာချုပ်ရေးသားခြင်း နှင့်အဆင့်ဆင့်တင်ပြလက်မှတ်ရေးထိုးခြင်း၊
(ဂ)	သတ်မှတ်တန်ဖိုးငွေပေးသွင်းပြီး ရေးသားပြီးသည့်မြေငှား စာချုပ်ပေါ်တွင် အငှားစာချုပ်ရရှိသူနှင့် အသိသက်သေ(၁) ဦးတို့မှ ဌာနမှူး/ဒုဌာနမှူး၏ ရှေ့မှောက် တွင် လက်မှတ်ရေးထိုးစေခြင်းနှင့် မြေငှား စာချုပ်တွင် ဌာနမှူးမှ အတည်ပြုလက်မှတ် ရေးထိုး၍ ကာယကံရှင်သို့ ထုတ်ပေးခြင်း၊

(၅) ရက်

မြေငှားဂရန် တန်ဖိုး သတ်မှတ်ကျသင့်ငွေ ပေးသွင်းပြီးမှသာ မြေပုံရေးဆွဲခြင်းနှင့် မြေငှား စာချုပ်(ဂရန်) ရေးသားခြင်း လုပ်ငန်များကို ဆောင်ရွက်ပါသည်။ အငှားစာချုပ် ရရှိသူနှင့် အသိ သက်သေ (၁)ဦးသည် ဌာနသို့ သတ်မှတ် ကာလအတွင်း လာရောက်၍ မြေငှား စာချုပ်တွင် လက်မှတ် ရေးထိုးခြင်း၊ ထုတ်ယူခြင်း မရှိပါက ကာယကံရှင်၏ပျက်ကွက် မှုကြောင့်ပိုမို ကြန့်ကြာ နိုင်ပါသည်။

စုစုပေါင်းခန့်မှန်းကြာမြင့်ချိန်

၃၃ ရက်

(မြေပိုင်ဆိုင်မှုနှင့်ပတ်သက်၍ အရှုပ်အရှင်းရှိခြင်း၊ ကန့်ကွက်သူရှိခြင်း၊ တရားရုံးဖြေရှင်းနေရခြင်းများ ရှိပါက အထက်ပါဆောင်ရွက်ချိန်များထက် ပိုမိုကြန့်ကြာနိုင်ပါသည်)

အောက်ပါကိစ္စရပ်များအတွက် မြေပုံ/မြေရာဇ၀င် (Certified Map) လျှောက်ထားနိုင်ပါသည်-

အမွေဆက်ခံပိုင်ဆိုင်ကြောင်း ကြေညာမှတ်ပုံတင်စာချုပ် ချုပ်ဆိုရန်
အရောင်းအ၀ယ်မှတ်ပုံတင်စာချုပ် ချုပ်ဆိုရန်
ပစ္စည်းခွဲဝေခြင်း မှတ်ပုံတင်စာချုပ် ချုပ်ဆိုရန်
စွန့်လွှတ်ပုံတင်စာချုပ် ချုပ်ဆိုရန်
မေတ္တာဖြင့် အပိုင်ပေးမှတ်ပုံတင်စာချုပ် ချုပ်ဆိုရန်
လှူဒါန်းခြင်း မှတ်ပုံတင်စာချုပ် ချုပ်ဆိုရန်
မြေကွက်ခွဲစိတ်ခွင့်လျှောက်ထားရန်
ဘဏ်ငွေချေးခွင့်လျှောက်ထားရန်
အဝီစိတွင်းတူးခွင့် လျှောက်ထားရန်
ခြံစည်းရိုးကာရံခွင့် လျှောက်ထားရန်
အဆောက်အအုံအကြီးစားပြင်ဆင်ခွင့်လျှောက်ထားရန်
အဆောက်အအုံဆောက်လုပ်ခွင့်လျှောက်ထားရန်
မှတ်တမ်းအဖြစ်ထားရှိရန်

မြေပုံ/မြေရာဇ၀င်ရေးကူးပေးခြင်းအား အောက်ပါအတိုင်း ဆောင်ရွက်ပေးပါသည်-

ရွာမြေ၊ ဥယျာဉ်ခြံမြေ၊ စိုက်ပျိုးမြေမှအပ ကျန်မြေအမျိုးအစားများကို မြေပုံ/ မြေရာဇ၀င် ရေကူးခြင်းနှင့် မြေတိုင်းတာခြင်းလုပ်ငန်းအား ဆောင်ရွက်ပေးပါသည်။
လိုင်စင်မြေနှင့် ပါမစ်မြေကို အဆောက်အဦဆောက်လုပ်ရန်။ အကြီးစားပြင်ဆင်ရန်၊ ခြံစည်းရိုး ကာရန်နှင့် အဝီစိတွင်းတူးရန်အတွက်သာ မြေပုံ/မြေရာဇ၀င်ရေကူးပေးခြင်းကို ဆောင်ရွက်ပါသည်။
အဆောက်အဦဆောက်လုပ်ရန်၊ အကြီးစားပြင်ဆင်ရန်၊ ခြံစည်းရိုးကာရန်၊ အဝီစိတွင်းတူးရန်၊ ဘဏ်တွင်ငွေချေးရန်အတွက် အမည်ပေါက်ကိုယ်တိုင် လျှောက်ထားမှသာ မြေပုံ/မြေရာဇ၀င် ရေကူးခြင်းကို ဆောင်ရွက်ပေးပါသည်။
စွန့်လွှတ်စာချုပ်ချုပ်ဆိုရန်အတွက် လျှောက်ထားရာတွင် မြေကွက်ပူးတွဲ ပိုင်ဆိုင်သူများက လျှောက်ထားမှသာ မြေပုံ/မြေရာဇ၀င်ရေးကူးခြင်းကို ဆောင်ရွက်ပေးပါသည်။
မြေကွက်ခွဲစိတ်ခွင့်အတွက် လျှောက်ထားရာတွင် ဘိုးဘွားပိုင်မြေနှင့် သက်တမ်းရှိ ဂရန်မြေ ဖြစ်မှသာ မြေပုံ/မြေရာဇ၀င်ရေးကူးခြင်းကို ဆောင်ရွက်ပေးပါသည်။

အမွေဆက်ခံ ပိုင်ဆိုင်ကြောင်း ကြေညာမှတ်ပုံတင်စာချုပ် ချုပ်ဆိုရန်အတွက် မြေပုံ/မြေရာဇ၀င် ရေးကူးရန်နှင့် လျှောက်ထားခြင်းမှအပ ကျန်မှတ်ပုံတင် စာချုပ်ချုပ်ဆိုရန် လျှောက်ထားခြင်းများကို အောက်ပါအတိုင်း ဆောင်ရွက်ပေးပါသည်-

လျှောက်ထားသူသည် ဌာနမှ သတ်မှတ်ပုံစံ နှင့်အတူ နိုင်ငံသား စိစစ်ရေးကတ်ပြား၊ ဘိုးဘွားပိုင်မြေ ဖြစ်ပါက မှတ်ပုံတင်စာချုပ်၊ ဂရန်မြေဖြစ်ပါက မြေငှားစာချုပ်နှင့် အမည်ပေါက်သူက ပိုင်ဆိုင် ကြောင်းအထောက် အထား(သို့မဟုတ်) ပိုင်ဆိုင်မှုနှင့် သက်ဆိုင်သည့် တရားရုံးစီရင်ချက်နှင့် ဒီကရီမူရင်းများအပြင် အမွေရှင်နှင့် ကျန်အမွေဆိုင်များ ကွယ်လွန်ပြီးဖြစ်၍ လျှောက်ထားသူဟာ အမွေဆက်ဆံ ခွင့်ရှိကြောင်း ပြည့်စုံစွာရေးသား ဖော်ပြထားသည့် (လျှောက်ထားသူ ကိုယ်တိုင်တရားရုံးတွင် ပြုလုပ်သည့်) ကျမ်း ကျိန်လွှာ (သို့မဟုတ်) ကတိသစ္စာပြုလွှာ မူရင်းများကိုပါ တင်ပြ လျှောက်ထားရပါသည်။
ဌာနမှလျှောက်ထားသူ တင်ပြသည့်အထောက်အထားမိတ္တူများကို မူရင်းများဖြင့် တိုက်ဆိုင် စစ်ဆေး၍လက်ခံပေးပါမည်။
တင်ပြသော အထောက်အထားနှင့် မြေစာရင်းရှိ အထောက်အထား မှန်ကန်ပါက ကွင်းဆင်း စစ်ဆေးခြင်း၊ လျှောက်ထားသည့် မြေကွက်နှင့်ပတ်သက်၍ ပြည့်စုံစွာဖော်ပြကာ သတင်းစာတွင် (၁၅)ရက် ကြော်ငြာခြင်းများ ဆောင်ရွက်ပါသည်။ သတင်းစာကြော်ငြာ (၁၅)ရက်ပြည့်သည်အထိ ကန့်ကွက်သူမရှိပါက သတ်မှတ်၀န်ဆောင်ခ ပေးသွင်းစေပြီးအမွေဆက်ခံ ပိုင်ဆိုင်ကြောင်း ကြေညာမှတ်ပုံစာချုပ် ချုပ်ဆိုရန်အတွက် မြေပုံ/ မြေရာဇ၀င်ရေးကူး ထုတ်ပေးပါသည်။

အမွေဆက်ခံပိုင်ဆိုင်ကြောင်း ကြေညာမှတ်ပုံတင်စာချုပ် ချုပ်ဆိုရန်အတွက် မြေပုံ/မြေရာဇ၀င်ရေးကူးပေးခြင်းကို အောက်ပါအတိုင်း ဆောင်ရွက်ပါသည်-

လျှောက်ထားသူသည် ဌာနမှ သတ်မှတ်ပုံစံနှင့်အတူ နိုင်ငံသားစိစစ်ရေးကဒ်ပြား၊ ဘိုးဘွားပိုင်မြေဖြစ်ပါက မှတ်ပုံတင်စာချုပ်၊ ဂရန်မြေဖြစ်ပါက မြေငှားစာချုပ်နှင့် အမည်ပေါက်သူက ပိုင်ဆိုင်ကြောင်းအထောက်အထား(သို့မဟုတ်)ပိုင်ဆိုင်မှုနှင့် သက်ဆိုင်သည့် တရားရုံးစီရင်ချက်နှင့် ဒီကရီမူရင်းများအပြင် အမွေရှင်နှင့်ကျန်အမွေဆိုင်များကွယ်လွန်ပြီဖြစ်၍ လျှောက်ထားသူသာ အမွေဆက်ခံခွင့်ရှိကြောင်း ပြည့်စုံစွာရေးသားဖော်ပြထားသည့် (လျှောက်ထားသူကိုယ်တိုင် တရားရုံးတွင် ပြုလုပ်သည့်) ကျမ်းကျိန်လွှာ(သို့မဟုတ်) ကတိသစ္စာပြုလွှာမူရင်းများကိုပါ တင်လျှောက် ထားရပါသည်။
ဌာနမှ လျှောက်ထားသူတင်ပြသည့် အထောက်အထားမိတ္တူများကို မူရင်းများဖြင့် တိုက်ဆိုင်စစ်ဆေး၍ လက်ခံပေးပါမည်။
တင်ပြသောအထောက်အထားနှင့် မြေစာရင်းရှိအထောက်အထားမှန်ကန်ပါက ကွင်းဆင်းစစ်ဆေးခြင်း၊ လျှောက်ထားသည့် မြေကွက်နှင့်ပတ်သက်၍ ပြည့်စုံစွာဖော်ပြကာ သတင်းစာတွင်(၁၅)ရက်ကြော်ငြာ ခြင်းများဆောင်ရွက်ပါသည်။ သတင်းစာကြေငဲာ(၁၅)ရက်ပြည့်သည်အထိ ကန့်ကွက်သူမရှိပါက သတ်မှတ်၀န်ဆောင်ခ ပေးသွင်းစေပြီး အမွေဆက်ခံပိုင်ဆိုင်ကြောင်း ကြေငြာမှတ်ပုံတင်စာချုပ် ချုပ်ဆိုရန်အတွက် မြေပုံ/မြေရာဇ၀င်ရေးကူး ထုတ်ပေးပါသည်။

မြေတိုင်းတာပေးရန် လျှောက်ထားရာတွင် အောက်ပါအတိုင်း လက်ခံဆောင်ရွက်ပေးရပါသည်-

မြေတိုင်းလျှောက်ထားလိုသူသည် ဌာနမှသတ်မှတ်ပုံစံနှင့်အတူ နိုင်ငံသားစိစစ်ရေးကတ်၊ ဘိုးဘွားပိုင်မြေဖြစ်က မှတ်ပုံတင်စာချုပ်စာတမ်း၊ မြေငှားစာချုပ် (ဂရန်)မြေဖြစ်ပါက မြေငှားစာချုပ် (ဂရန်)၊ အမည်ပေါက်ပိုင်ဆိုင်မှုအထောက်အထား၊ အမည်ပေါက်ပိုင်ဆိုင်မှုမဟုတ်က ပိုင်ဆိုင်မှုနှင့် သက်ဆိုင်သည့် စာချုပ် စာတမ်းအထောက်အထား သို့မဟုတ် တရားရုံးစီရင်ချက်နှင့် ဒီဂရီမူရင်းများ တင်ပြလျှောက်ထားရပါ မည်။
ဌာနမှတင်ပြသော အထောက်အထားမိတ္တူများအား မူရင်းနှင့်တိုက်ဆိုင်စစ်ဆေး၍ လက်ခံ ပေးပါသည်။
လျှောက်ထားသူတင်ပြသော အထောက်အထားနှင့် မြေစာရင်းရှိ အထောက်အထားကိုက်ညီမှု၊ မှန်ကန်မှုရှိပါက လျှောက်ထားသည့်မြေကွက်နှင့်ထိစပ်နေသည့် ပတ်၀န်းကျင်မြေကွက်များမှ မြေတိုင်းတာမည်ဖြစ်ကြောင်း ကြော်ငြာစာတွင် သိရှိကြောင်းလက်မှတ်ရေးထိုးပေးရပြီး ကန့်ကွက်မှုမရှိပါက သတ်မှတ်၀န်ဆောင်ခ ပေးသွင်းစေ၍ မြေတိုင်းတာပေးမည်ဖြစ်ပါသည်။

မြေကွက်ခွဲစိတ်ပေးရန် လျှောက်ထားရာတွင် အောက်ပါအတိုင်း လက်ခံဆောင်ရွက်ပေးရပါသည်-

ဘိုးဘွားပိုင်မြေနှင့် မြေငှားစာချုပ်(ဂရန်)မြေများကို မြို့ကွက်မြေပုံနှင့် မြို့မြေစာရင်းတို့တွင် ခွဲစိတ်ပေး ပါသည်။
ခွဲစိတ်ပေးရန်လျှောက်ထားသည့် မြေကွက်နှင့်ခွဲစိ တ်ပေးပြီး ကျန်ရှိသည့် မြေကွက်သည် အနည်းဆုံး ဧရိယာ (၂၄၀၀)စတုရန်းပေရှိရပါမည်။
ခွဲစိတ်ရန်လျှောက်ထားမြေကွက်အတွင်းသို့ ၀င်ထွက်သွားလာရန် လုံလောက်သောလမ်းပါရှိရပါမည်။ ကော်မတီပိုင်လမ်းမရှိပါက ကိုယ်ပိုင်လမ်းလျာထားပေးရပါမည်။
မြေကွက်ခွဲစိတ်မျဉ်းနှင့် မြေပြင်ရှိ အဆောက်အအုံလွတ်ကင်းမှုရှိရပါမည်။
လျှောက်ထားသူတင်ပြသော အထောက်အထားများ ပြည့်စုံမှန်ကန်ပါက ဌာနမှ ကွင်းဆင်းတိုင်းတာ စစ်ဆေးပါသည်။
ဌာနမှ သတ်မှတ်ချက်များနှင့်အညီ ကိုက်ညီမှန်ကန်ပါက သတ်မှတ်၀န်ဆောင်ခပေးသွင်းစေပြီး မြေငှားစာချုပ် (ဂရန်)နှင့် ဘိုးဘွားပိုင်မြေများကို လုပ်ထုံးလုပ်နည်းများနှင့်အညီ မြေကွက်ခွဲစိတ်ခြင်းအား ဆောင်ရွက်ပေးပါသည်။
ဌာနရှိမြို့ကွက်မြေပုံနှင့် မြို့မြေစာရင်းတို့တွင်လည်း ဦးပိုင်အသစ်များခွဲစိတ်မှတ်သားပါသည်။

နေပြည်တော်ကောင်စီနယ်မြေ ဒက္ခိဏခရိုင်၊ ဒက္ခိဏသီရိမြို့၊ ဒက္ခိဏသီရိအသေးစားနှင့် အလတ်စားစက်မှုဇုန်ဆိုင်ရာ အချက်အလက်များ

ရည်ရွယ်ချက်

၁။

နေပြည်တော်ကောင်စီနယ်မြေ ဒက္ခိဏခရိုင်၊ ဒက္ခိဏသီရိမြို့တွင် အသေးစားနှင့်အလတ်စား စက်မှုဇုန်တည်ထောင်ခြင်းဖြင့် ဒေသခံပြည်သူလူထုအတွက် အလုပ်အကိုင် အခွင့်အလမ်းများ ပေါ်ပေါက်လာပြီး ပြည်သူများ၏၀င်ငွေနှင့်လူမှုဘဝဖွံ့ဖြိုးတိုးတက်စေရန်။

တည်နေရာ

၂။

နေပြည်တော်စည်ပင်သာယာရေးနယ်နိမိတ်အတွင်းရှိ မြေများကို မြေများကို မြေအမျိုးအစားအလိုက် မြို့မြေစာရင်းတွင် မှတ်သားခြင်းဖြင့်လည်းကောင်း၊ လက်ရှိအခြေ အနေအထိ မှန်ကန်မှုရှိစေရန် စနစ်တကျမှတ်တမ်းထိန်းသိမ်းထားရှိခြင်း၊

အကျယ်အဝန်း

၃။

ဒက္ခိဏသီရိအသေးစားနှင့်အလတ်စားစက်မှုဇုန်သည် မြေဧကပေါင်း (၃၈၅)ဧပရှိပြီး မြေကွက်တစ်ကွက်လျှင် (၂.၀၀)ဧကမှ(၂.၅၀)ဧကရှိ မြေကွက်ပေါင်း (၁၁၅)ကွက်ကို ဖော်ထုတ်ထားပါသည်။ မြေကွက်(၃၀)ကွက်အား လုပ်ငန်းရှင်များသို့ နေရာချထားပေးပြီး ဖြစ်ပါသည်။

စက်မှုဇုန်အကောင်အထည်ဖော်ခြင်း

၄။

နေပြည်တော်ကောင်စီ၏ ကြီးကြပ်မှုဖြင့် ဒက္ခိဏသီရိအသေးစားနှင့် အလတ်စားစက်မှုဇုန် မြေနေရာချထားရေးကောင်မတီကို ဖွဲ့စည်းဆောင်ရွက်ပါသည်။

အခြေခံအဆောက်အအုံများဆောင်ရွက်မှု

၅။

ဒက္ခိဏသီရိအသေးစားနှင့်အလတ်စားစက်မှုဇုန်ဧရိယာအတွင်း အခြေခံအဆောက်အအုံများ တည်ဆောက်ထားရှိမှုမှာ အောက်ပါအတိုင်းဖြစ်ပါသည်-

(က)	လျှပ်စစ်။	33ကေဗွီအေ ဓါတ်အားခွဲရုံတစ်ခုကို သီးခြားတည်ဆောက်ထားပြီး စက်မှုဇုန်အတွင်း လျှပ်စစ်ဓါတ်အား ပြည့်ဝစွာ ဖြန့်ဖြူးပေးနိုင်ရေး ဆောင်ရွက်ထားရှိပါသည်။ လျှပ်စစ်ဓါတ်အားကို အသုံးပြုနိုင်ပြီ ဖြစ်ပါသည်။ စက်ရုံ၊ အလုပ်ရုံများမှ ထရန်စဖော်မာလျှောက်ထား ပါက အမြန်ရရှိရေးဆောင်ရွက်ပေးလျက်ရှိသည်။ လမ်းမီး(၁/၅)မိုင်သွယ်တန်းပြီးဖြစ်ပါသည်။
(ခ )	ဆက်သွယ်ရေး။	စက်မှုဇုန်အတွင်း တယ်လီဖုန်းလိုင်းအရှည်(၅၅၀၀)မီတာကို သွယ်တန်းပြီးဖြစ်ပါသည်။e-mailနှင့်Internet အသုံးပြုနိုင်မည် ဖြစ်ပါသည်။
(ဂ )	လမ်း။	စက်မှုဇုန်အတွင်း ပေ (၁၅၀)လမ်း/(၂/၆)မိုင်၊ ပေ(၁၀၀)လမ်း(၂/၁)မိုင်၊ ပေ(၈၀)လမ်း(၁/၁)မိုင်အား ကွန်ကရိလမ်းများ ဖောက်လုပ်ထားပြီးဖြစ်ပါသည်။ လမ်းလုပ်ငန်းများဆက်လက်ဆောင်ရွက်ဆဲဖြစ်ပါသည်။
(ဃ)	ရေ။	မိမိအစီအစဉ်ဖြင့် ဆောင်ရွက်ရမည်ဖြစ်ပါသည်။

မြေတန်ဖိုး

၆။

မြေတစ်ဧကအတွက်Infrastructureကြေးငွေကျပ်(၇၀၀)သိန်း၊ မြေတန်ဖိုး ငွေကျပ် (၃၂၀)သိန်း စုစုပေါင်းငွေကျပ် (၁၀၂၀)သိန်းဖြစ်ပါသည်။

စက်မှုဇုန်တွင် မြေနေရာချထားမှုစနစ်

၇။

ဒက္ခိဏသီရိအသေးစားနှင့်အလတ်စားစက်မှုဇုန်တွင် လုပ်ကိုင်ရန် လျှောက်ထားလာသည့် ပြည်တွင်းပြည်ပလုပ်ငန်းရှင်များကို အောက်ပါအတိုင်းမြေနေရာချထားပေးမည် ဖြစ်ပါသည်−

(က)	ပြည်တွင်းလုပ်ငန်းရှင်များအား ဒက္ခိဏသီရိအသေးစားနှင့်အလတ်စားစက်မှုဇုန် မြေနေရာချထားရေးကော်မတီမှ နေရာချထားပေးပါသည်။
(ခ )	ပြည်ပလုပ်ငန်းရှင်များအား မြန်မာနိုင်ငံရင်းနှီးမြှပ်နှံမှုကော်မရှင်၏ သဘောတူညီချက်ဖြင့် ဒက္ခိဏသီရိအသေးစားနှင့်အလတ်စားစက်မှုဇုန်နေရာချထားရေးကော်မတီမှ နေရာချထားပေးမည်ဖြစ်ပါသည်။
(ဂ )	အသုံးပြုခွင့်ရရှိသောမြေကွက်အတွက် Infrastructureကြေးနှင့်မြေတန်ဖိုး ပေးသွင်းပြီးအခိုင်အမာခြံစည်းရိုးကာရံပြီးပါက နှစ်(၃၀)မြေငှားချထားပေးမည်ဖြစ်ပါသည်။

လုပ်ကိုင်နိုင်သည့် လုပ်ငန်းများ

၈။

သဘာဝပတ်ဝန်းကျင်ကို ထိခိုက်မှုမရှိသော စက်ရုံ၊ အလုပ်ရုံများကိုသာ လုပ်ကိုင်ခွင့်ပြုပါသည်။ စက်ရုံပိုင်ရေဆိုးသန့်စင်စနစ်(waste water treatment system)တပ်ဆင်၍ ၁၀၀% သန့်စင်နိုင်ပါက လက်ခံရန်စဉ်းစားပါမည်။

လုပ်ငန်းအမျိုးအစားအကြံပြုချက်

၉။

အောက်ပါလုပ်ငန်းအမျိုးအစားများကို စက်မှုဇုန်တွင် လာရောက်လုပ်ကိုင်ပါက ပိုမိုသင့်လျော်ပါသည်−

(က)	အထည်ချုပ်စက်ရုံ၊ ချည်ထည်စက်ရုံ။
(ခ )	ကွန်ပျူတာပစ္စည်းနှင့်အီလက်ထရောနစ်ပစ္စည်းများထုတ်လုပ်တပ်ဆင်ခြင်း။
(ဂ )	အဆင့်အတန်းမြင့်၍ ကျန်းမာရေးနှင့်ညီညွတ်သော စားသောက်ကုန်ထုတ်လုပ်ဖြန့်ဖြူးခြင်း။
(ဃ)	ခေတ်မီအလှကုန်ဆိုင်ရာပစ္စည်းများထုတ်လုပ်ခြင်း။
(င)	စက်မှုလက်မှုဆိုင်ရာအချောထည်ပစ္စည်းများထုတ်လုပ်ခြင်း။

စက်မှုဇုန်၏အားသာချက်များ

၁၀။

ဒက္ခိဏသီရိအသေးစားနှင့်အလတ်စားစက်မှုဇုန်၏အားသာချက်များမှာ အောက်ပါအတိုင်း ဖြစ်ပါသည်−

(က)	လျှပ်စစ်ဓါတ်အားပြတ်တောက်မှုမရှိစေဘဲဓါတ်အားပြည့်ဝစွာဖြင့် ၂၄နာရီအသုံးပြုနိုင်ရန် ဆောင်ရွက်ထားပါသည်။ တည်ငြိမ်၍လုံလောက်သော ဗို့အားပေးနိုင်ပါသည်။
(ခ )	ဒက္ခိဏသီရိအသေးစားနှင့်အလတ်စားစက်မှုဇုန်မြေနေရာသည် ရန်ကုန် -နေပြည်တော်-မန္တလေး အမြန်လမ်းမကြီး၊ ရန်ကုန်-မန္တလေးအဝေးပြေးလမ်းမ၊ နေပြည်တော်အပြည်ပြည်ဆိုင်ရာ လေဆိပ်တို့နှင့် နီးကပ်စွာတည်ရှိ၍ဆက်သွယ်သွားလာရေးအဆင်ပြေကောင်းမွန်ပါသည်။
(ဂ )	ဒက္ခိဏသီရိမြို့နယ်နှင့်လယ်ဝေးမြို့နယ်တို့မှ လုပ်သားအင်အားများစွာ ရရှိနိုင်ပါသည်။ လေ့ကျင့်သင်တန်းပေး၍ လုပ်သားများ၏ အခြေခံပညာရေးအရ စွမ်းရည်မြှင့်တင်ရလွယ်ကူပါသည်။
(ဃ)	ယာဉ်ကြောပိတ်ဆို့မှုမရှိခြင်းကြောင့် အချိန်တိုအတွင်း လွယ်ကူလျှင်မြန်စွာ သယ်ယူပို့ဆောင် သွားလာနိုင်ပါသည်။
(င)	စက်မှုဇုန်တွင်း စက်ရုံများကို စိတ်တိုင်းကျတည်ဆောက်နိုင်ပါသည်။

နေပြည်တော်ကောင်စီနယ်မြေ ဒက္ခိဏခရိုင်၊ ဒက္ခိဏသီရိမြို့၊ ဟိုတယ်ဇုန်အမှတ်(၃)ဆိုင်ရာ အချက်အလက်များ

တည်နေရာ
၁။	နေပြည်တော်ကောင်စီနယ်မြေ၊ ဒက္ခိဏသီရိမြို့၊ ဟိုတယ်ဇုန်အမှတ်(၃)သည် ရန်ကုန်နေပြည်တော်မန္တလေးအမြန်လမ်းမကြီး၏ အရှေ့ဘက်ခြမ်း ဒက္ခိဏသီရိမြို့၊ ရွှေပြည်တော်ဝင် လမ်း၏မြောက်ဘက်၊ ရန်အောင်မြင်ဂေါက်ကွင်း၏ အနောက်ဘက်တွင် တည်ရှိပါသည်။
အကျယ်အဝန်း
၂။	ဒက္ခိဏသီရိမြို့၊ ဟိုတယ်ဇုန်အမှတ်(၃)သည် မြေဧရိယာအကျယ်အဝန်း ဧကပေါင်း (၅၁၃.၃၇)ဧကရှိပြီး မြေကွက်တစ်ကွက်လျှင် (၅.၀၀)ဧကခန့်ရှိ မြေကွက်ပေါင်း(၄၆)ကွက်ကို ဖော်ထုတ်ထားပါသည်။ ဟိုတယ်လုပ်ငန်းရှင်များသို့ မြေကွက်(၂၀)ကွက်နေရာချထားပေးပြီး ဖြစ်ပါသည်။
မြေတန်ဖိုး
၃။	မြေတစ်ဧကအတွက် Infrastructure ကြေးငွေကျပ်(၈၀၀)သိန်း၊ မြေတန်ဖိုးငွေကျပ် (၅၀၀)သိန်း စုစုပေါင်းငွေကျပ် (၁၃၀၀)သိန်း သတ်မှတ်ထားရှိပါသည်။
စက်မှုဇုန်တွင် မြေနေရာချထားမှုစနစ်
၄။	ဒက္ခိဏသီရိ ဟိုတယ်ဇုန် အမှတ်(၃)တွင် ဟိုတယ်လုပ်ငန်း ဆောင်ရွက်လိုသူ နိုင်ငံသား လုပ်ငန်းရှင်များ အနေဖြင့် လွတ်လပ်စွာ လျှောက်ထားနိုင်ပြီး အသုံးပြုခွင့်ရရှိသော မြေကွက်အတွက် Infrastructure ကြေးနှင့် မြေတန်ဖိုး ပေးသွင်းပြီး အခိုင်အမာ ခြံစည်းရိုးကာရံပြီး ပါက နှစ်(၃၀) မြေငှားစာချုပ် ချထားပေးမည် ဖြစ်ပါသည်။

နေပြည်တော်ဖွံ့ဖြိုးရေးဘဏ်

ဇမ္ဗူသီရိအထူးကုဆေးရုံကြီး

RELATED LINKS